5.2 BOLALARNING NUTQ RIVOJLANISHIDA TAQLID(IMITATION)NING LINGVISTIK ROLI

Abstract

Ushbu maqolada bolalarda nutq rivojlanish jarayonida taqlid (imitation) mexanizmining lingvistik ahamiyati tahlil qilinadi. Nutq rivojlanishi inson hayotidagi eng muhim kognitiv va kommunikativ jarayonlardan biri hisoblanadi. Bolalar tilni o‘zlashtirish jarayonida atrofidagi kattalar nutqini eshitish, kuzatish va taqlid qilish orqali yangi so‘zlar, grammatik shakllar hamda talaffuz xususiyatlarini o‘rganadilar. Maqolada taqlidning psixolingvistik asoslari, bolalar nutqining shakllanish bosqichlari va taqlid orqali til birliklarini o‘zlashtirish jarayonlari ilmiy manbalar asosida yoritiladi. Shuningdek, ota-onalar va pedagoglarning nutqiy muhit yaratishdagi roli ham ko‘rib chiqiladi. Tadqiqot natijalari shuni ko‘rsatadiki, taqlid bolalar nutqining shakllanishida asosiy omillardan biri bo‘lib, u leksik boylik, grammatik struktura va fonetik ko‘nikmalarning rivojlanishiga sezilarli ta’sir ko‘rsatadi.